فرش المكياج & شرح لطريقة التنظيف

استعرض الموضوع السابق استعرض الموضوع التالي اذهب الى الأسفل

فرش المكياج & شرح لطريقة التنظيف

مُساهمة  ام سلطان في السبت يناير 29, 2011 6:01 am

السلام عليكم ورحمة الله وبركاته



انا بنزل لكم موضوع ضروري لكل بنت وامرأه وعروس تحب انه يكون مكياجها بروفيشينال وبيرفكت ومرتب


وكثير منا يحتار ياخذ اية او بالاصح مايعرف شنو ياخذ ؟


وكثير منا يستخسر الفرش ويشتري الفرش التقليد او الغير اصليه وترا كل شي وله سعره



وايضا وايد منا مايدري شنو الفرش المهمه؟ واكيد مايعرف شنو ياخذ النايلون ولا الشعر الطبيعي او الشعر الصناعي



انا بختصر عليكم المسافات كلها وبشرح لكم بطريقه جدا مبسطه وسهله



وقبل لا اشرح خلوني اعطيكم نبذه عن الفرش وانواعها



يوجد هناك 3 انواع من الفرش



فرش نايلون ناعمه : مثاليه للشدو المائي وكريمات الاساس السائله(بختصار بيرفكت للأشياء الكريميه والمائيه)



فرش شعر طبيعي( من اجود انواع الفرش وترا غاليه مو رخيصه بس سعرها فيها وتدور طويلا اذا حافظتي عليها وغسلتيها بالطريقه الصحيحه)



فرش شعر صناعي (هذي ماتدوم طويله واستعمالها حلو بس ساعات تكون قاسيه خصوصا اذا كانوا فرش العيون لانه ويا الاستخدام تقسى شويه فيفضل بهالفرش تشترين حق البلاشر ولا تصغير الانف والوجه..ألخ)



قبل ما ابدي بقول لكم عن الفرش الممتازه



من رأيي الشخصي افضل فرش هيا make up for ever


ومن ثم M.A.C


ومن ثم بوبي براون




هذا مو معناته باجي الشركات فرشهم موزينه انا اتكلم عن البروفيشينال بالفرش يعني اخذوهم على ضمانتي




طبعا لو تروحون ماك ولا فور ايفير ولا اي شركه فيها فرش اكثر فرش كريم الاساس ينصحونج بالنايلون لانها ناعمه ودقيقه يعني الشعر اللي فيها وايد ناعم ومثالي للكونسيلر والكريم الاساس وباجي الفرش حق العيون والبلاشر والبودره كلهم انصحكم بالشعر الطبيعي




ادري كثرت عليكم سوالف بس عشان يكون الموضوع متكامل



وحبيبتي انتي اللي تختارين الفرش اللي تناسبج


يعني لاتاخذين شي انتي مو بحاجته والفرش ترا انواعها وايد وايد لو بتشترينها غاليه وحرام تظل بدون استخدام فلازم تعرفين شنو انتي تبين بالظبط




نبدي بالفرش كلها ونحاول نختصر وبعدين نفصل




شوفوا الفرش كامله







الشرح



السطر الاول كله حق الوجهه (بلاشر وبودره كومباكت وبورده حره)



السطره الثانيه للشدو والكحل



السطر الثالث


رقم 40 ورقم 41 هذيله عشان تشيلين البودره السائبه اللي حطيناها تحت العين عشان بقايا الشدو وتنظيف تحت العين من بقايا الشدو




23 حق الحمره(الروج)





رقم 45 ورقم 42 حق الحواجب




والباجي كله حق العين والكحل



السطره الاخيره مكس بين العيون والوجهه



46 هذي حق كريم الاساس شوف شكلها



47 و48 حق الوكنسيلر



49 و50 و51 حق الكريم الاساس وممكن البلاشر وممكن البودره



52 حق العين وخصوصا البنانا يعني بين الجفن الثابت والمتحرك تسوين قوووس وراح اشرحها فيما بعد


53 للعين ممكن للبنانا او الدمج او..ألخ




واللي لونهم اصفر حق الجسم مثل ما اهوا موووووووضح





شوفوا التشكيلات كامله






السطر الاول للوجه والبلاشر والبودره وكريم الاساس تنظيف تحت العين


والسطره الثانيه الحواجب والشدو والعيون والكحل



هالمجموعه مثاليه ومتكامله





الشرح نبدي من اليمين


اول ثلاث فرش على اليمين لونهم اسود حق البلاشر والبودره الكومباكت



من ثم الكونسيلر تشوفون شكلها ناعم وطويله نوعا ما ولونها من فوق غير




بعدها المشطوفه مثاليه لرسم الحواجب وايضا حق تحت العين سواء للشدو او الكحل الكريمي وتسحب العين لبره وومكن استخدامها فوق العين ايضا على خط الرموش




بعدها المربعه المستقيمه حق تحديد اسفل العين ولا فوق العين



وبعدها الاربع فرش اللي لونهم اسود اول وحده للشدو سواء لدمج او لتوزيع الشدو..ألخ


الثانيه قصيره وعريضه مثاليه للأضائه تحت الحاجب


بعدها للجفن الثابت وممكن المتحرك او بينهم


اخر وحده البنانا تسويلج القوس بزوايه العين الخراجيه او بين الجفن الثابت والمتحرك تعمل قوس بالعرض



من ثم فرشه الكريم الاساس



ومن ثم فرشه الحمره(الروج)



هالمجموعه بروووووفيشيناااااااااال بس شنو ناقصها؟؟؟ الشاطره اللي تقول لي؟







هاااااا



خلاص بقولكم ناقصها فرش الكريم الاساس



نبدأ بكريم الاساس والطريقه المناسبه لوضع كريم الاساس



طبعا فيه عدة طرق لوظع كريم الاساس



ممكن باليد


وممكن بالفرشه


وممكن بالسفنجه المثلجه


وممكن بالسفنجه الدائريه



وانا انصحكم بالفرشه


لانه باليد ممكن مع حرارت الايد يبقع معاج كريم الاساس ولا تتوصخ اغراضج ببقع كريم الاساس (رأيي الشخصي)




هذي الاسفنجه المثله







السفنجه الدوره ممكن حق كريم الاساس الكومباكت تبللينها ماي وتستخدمينها






بالفرشه



وتكون شكلها جذي










زوم









ومنها احجام










نشوف سانلوران مسوين كريم الاساس على فرشه







انواع فرش كريم الاساس من ماك اخر وحده المدوره حق اللوس باورد وجدا ناعمه








عجبوني وايد اخر وحده حق الكونسيلر






في تكمله في الصفحة اللي تحت
avatar
ام سلطان
عضوا

عدد المساهمات : 141
تاريخ التسجيل : 25/12/2010
الموقع : في دنيا النسيان

الرجوع الى أعلى الصفحة اذهب الى الأسفل

رد: فرش المكياج & شرح لطريقة التنظيف

مُساهمة  ام سلطان في السبت يناير 29, 2011 6:19 am

الكونسيلر

ديري بالج تحطينه بصابعج وتمسحين ترا راح يطلع سواد وتجاعيد تحت العين وفوقها بعد
يعني اذا بتحطين بيدج حطي بالطبطبه بالاصابع بدون ماتروحين وتردين على العين
وانا افضل تحطين بالفرشه وشوي شوي يعني هالمنقه جدا رقيقه

فرش الكونسيلر





واحجام فرشه الكونسيلر



احجام مختلفه



الحين حق فرش البلاشر والبودره الكومباكت المات(اللي ماتكون كريميه)*بودره*هذي ممينره جدا للبودره الكومباكت افضل من الاسفنجه اللي تكون ويا البودره وتعطي شكل مخملي بصراحه لاتطوفكم رقمها S 30 من فور ايفير



للبلاشر فيه نوعين الكبيره المدوره واللي تكون طرفها اكثر حق صوب عظمة الخد صوب الاذن

هذي اللي تكون حجمها اصغر وانتي تختارين شلون يتوزع البلاشر


صورة ثانيه



الشكل المدور الكبيره* احبها بصراحه*

طبعا اللي بتفرق بينها وبين فرشه البودره الكومباكت نشوف انه بودره الكومباكت بدايه الشعر سيده يعني مضغطه شوي عشان تصير بدايه الشعر سيده ومن ثم كبيره اما البلاشر تكون من بدايتها مدووووووووووره الى النهايه عرفتوا علي؟



هذي فرشه الحجم الكبير لأزاله البودره السائبه اللي حطيناها تحت العين ومن ثم نشيلها بالفرشه عشان باقا الشدو



فرش الشدو + الكحل (فلاش العين)


طبعا اول فرشه مشهوره جدا ويستخدمونها البروفيشينال وهم اللي مايعرف ميك اب هالفرشه اتوقع لازم تكون عندهم وانتي تتحكمين شلون ترسمين العين وتصلح لكامل الجفن سواء للجفن المتحرك او الجفن الصابت او اضاءه تحت الحاجب بتاااااااع كلووووووووو وانا احبها

*********************
هذي فرشه البنانا اللي تقدرين تسوين القوس اللي بين الجفن الثابت والمتحرك
وممكن زاويه العين الخراجيه تسوين قوس

هذا شكلها


مثل هالصوره


ومثل اللون الاسود اللي بين الجفن الثابت والمتحرك


هذي الفرشه حق الزاويه الخارجيه للعين


مثل هالصوره تحددين من فوق ومن تحت


هذي الفرشه المشطوفه
مثاليه للحواجب ومثاليه للشدو والكحل من تحت العين وسحبه لبره وعمر البوووووز وايضا لفوق العين



وجذي


نكمل الفرش

طبعا الفرش مالها استخدام معين انتي تقدرين تستخديمن الفرش وين ماتبين

هذي الفرشه مثلا تقدرين تخطين الاضاءه اللي تحت الحاجب+ ممكن تحططين العين من تحت بأضاءه ممكن بالجفن المتحرك شوفي وين تخدمج وتريحج هالفرشه واستخدميها



هذي الفرشه مميزه في الاضاءه تحت الحاجب والجفن المتحرك والجفن الثابت فيه منها حجمين الكبير والصغير


هذي فرشه مستقيمه
حق تحديد العين من تحت ومن فوق

الحواجب



لتحديد العين من تحت وفوق باشدو والكحل وعمر البوز اللي من داخل ومن بره بعد



هم نقدر نسوي اللي فوق وتحت بهالفرشه او اللي فوق

[IMG]


ايضا الخط الاسود اللي فوق واللي تحت
والشدو البنفسجي والابيض



فرش العين منوعه
ونبي نرد نشرح من جديد عشان تتعودون ويصيرون سهلين بالنسبه لكم وتتذكرون شنو تبون ويكون عندكم خلفيه بالتكرار تتركز المعلومه اكثر



الشرح
الاولى للدمجه ولتوزيع الظلال على الجفن سواء متحرك او ثابت
الثانيه المشطوفه لتحديد العين بالشدو او الكحل فوق او تحت العين واضا لعمل البوز من داخل العين وخارجها
الثالثه مثاليه لاضاءه تحت الحاجب ولتحديد العين من فوق وتحت
الرابعه للكحل الكريمي ورسم العين بالكحل
الخامسه للاضاءه تحت الحاجب وايضا للتوزيع الشدو على الجفن الثابت والمتحرك


ايضا فرش اخرى للعيون


الشرح
من اليمين
الاولى
للدمج وحجمهها كبير نوعا ما
الثانيه
البناناااا مثل ماقلنا لهمل القوس بين الجفن الثابت والمتحرك وايضا لعمل قوس على طرف الزاويه الخارجيه للعين
الثالثه
لتحديد العين تحت وفوق وترا ماتصلح للاضاءه تحت الحاجب لانها مستقييييمه لو كانت دائريه ممكن
الرابعه والخامسه
ايضا لتوزيع الشدو على الجفن سواء الثابت او المتحرك وايضا للاضاءه تحت الحاجب

**********
هذيله كولكشنات تكون فرش للعيون






هذي تشوووووووق لونها فوشياااااااا



وبجذي خلصنا الفرش واي سؤال انا حاظر

باقي اخر جزء ألا وهوا تنظيف الفرش






لازم الفرش بين فتره وفتره تنظفينها يعني نقول كل اسبوع


والفرش اللي تكون فيها الوان كثير اول بأول

وفيه اكثر من طريقه لغسل الفرش وعشان الفرشه تظل معاج وقت طويل وماتخترب ظروري تتبعين طريقة صحيحيه بتنظيف الفرش

اسرع واحلى طريقه
اننج تيبين قطت مدور

وتشترين محلول من فور ايفير

وتحطين على القطنه وتمسحين الفرشه لمه تشوفين اللون راح








وجذي تمسحين وشوي شوي على الفرش ونطري لمه تنشف او نشفيها عدل بالقطن او الاستشوار ذا كانت مبلله وايد


الطريقه الثانيه
تيبين قلاص فيه ماي تحطين فيه شامبو وأفضل بيبي جونسون الاصفر تحطين بالقلاص وتحركين الفرش داخل القلاص لمه تحسين الماي صار لونه غامج غيري الماي وكرري العمليه لمه تحسين الفرش صاروا نظاف ولاتخلينهم جذي نشفيهم بهوا الاستشوار وظروري الهوا يكون دافي مو بارد ولا حار جدا




شكــــــرا ع المتابعة خزاعيات
avatar
ام سلطان
عضوا

عدد المساهمات : 141
تاريخ التسجيل : 25/12/2010
الموقع : في دنيا النسيان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى