ديودرنج سويه بنفسج في البيت يزيل العرق ويفتح بطريقة آمنة

استعرض الموضوع السابق استعرض الموضوع التالي اذهب الى الأسفل

ديودرنج سويه بنفسج في البيت يزيل العرق ويفتح بطريقة آمنة

مُساهمة  ام سلطان في الجمعة يناير 21, 2011 6:07 pm

المهم احنا عارفين ان في بعض مزيلات العرق فيها مادة الألومينيوم الخطرة لأنها تسكر المسامات و تمنع تدفق العرق وبالتالي يرجع عكسي على صحتنا

انا عندي طريقة انا اسويها بيدي وبالبيت وااااااااايد حلوه و نظيفه و فوق هذا راح تفتح و تطري المنطقة الحميمة و تطهرها من البكتيريا و الفطريات وتزيل اي روائح غير مرغوب فيها و نفس الحجي لمنطة الإبط

بس قبل ما ابتدي بالطريقة لازم اشرح لكم شرح مبسط عن الزيتين العطريين Essential oil اللي راح استخدمهم

اولا راح استخدم زيت اللافندر العطري Lavendar essential oil


زيت اللافندر العطري يضيف ريحه حلوه وفيه خاصيه مطهرة لانه مضاد للبكتيريا ومضاد للفطريات ومضاد لاي إلتهابات في الجلد ويساعد على التئام الجروح بسرعه كبيرة.


ثانيا: زيت شجرة الشاي Tea Tree Essential Oil




زيت شجرة الشاي مطهر وله خاصية ضد البكتيريا وضد الفطريات و ضد الفيروسات ايضا علشان جذي يقضي على الميكروبات اللي تتواجد في الاماكن هذي من جسمنا


وعقب ما خذينا فكره عن الزيوت العطريه اللي بنستخدمها راح ابتدي بالطريقة



1- هذي المواد كلها اللي راح نستخدمها بخلطتنا






2-تضيفين 3 قفشات من بيكربونات الصوديوم في باديه علشان الخلط طبعا في ماركات وايد تلاقونها بالجمعيات عادي استخدموا الماركة اللي تبونها, بيكاريونات الصوديوم هو مزيل طبيعي لرائحة العرق يعني لا تخافون منه ترى مامنه ضرر ولا يسوي حساسية





3- تضيفين 4 قفشات من النشا, طبعا النشا يعطي قوام ثقيل لخلطتنا






4-تضيفين قفشتين زيت زيتون أصلي, زيت الزيتون غني بفيتامين إي Vitamin E اللي معروف انه مضاد للتأكسد ويرطب ويغذي البشره ويطريها




5- نخلط المكونات مع بعض وراح يطلع الخليط بالشكل هذا



6-نضيف نص علبة الدرابولين




7- وقفشتين وسط من كريم فيتامين إي او تقدرين تحطين كبسولتين من فيتامين إي >تلاقونه بالصيدليات<




8-وتضيفين 4 قفشات وسط من زيدة الكاكاو ومخلوط معاها زبدة الشيا >لو تسوون لها حمام مائي يكون افضل علشان تذوب بس ما تضيفونها واهي حاره خلوها تبرد اشوي علشان ما تتكسر الفيتامينات اللي بخلطتج<




9-قفشتين وسط سودوكريم




10- وقفشه وحده صغيره جليسرين




11- هذي الزيوت العطريه اللافندر وزيت شجرة الشاي, راح تضيقين 10 قطرات من اللافندر و 7 قطرات من زيت شجرة الشاي




12- اهني اضفناهم للخليط




13- هذا الشكل النهائي , حطيه باي علبه فاضيه عندج, انا استخدمت علبة الفازلين لانها سهلة الفتح و الغلق


وهذي صورللزيوت الأولى زيت الشاي




وهذي زيت الأفندر


تلاقون الزيوت في لوكسيتان أو بدي شوب وصيدلية بوتس اللي بفلاجيو
avatar
ام سلطان
عضوا

عدد المساهمات : 141
تاريخ التسجيل : 25/12/2010
الموقع : في دنيا النسيان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى