نظام الديتوكس ...تنظيف الجسم من السموم

استعرض الموضوع السابق استعرض الموضوع التالي اذهب الى الأسفل

نظام الديتوكس ...تنظيف الجسم من السموم

مُساهمة  ام سلطان في الخميس يناير 20, 2011 6:57 pm


نظام الديتوكس تعتمده اغلب مصحات المعالجة من الادمان والتدخين
لتنقية الجسم من السموم

اهوا عبارة عن 3 ايام ما تاكلين فيهم ولا شي مصنع

ولا شي معلب
ولا شي فيه محليات صناعية ولا دهون ( ماعدا زيت الزيتون النقي وزيت السمسم )
ولا شي من المعجنات والخبز والعيش ويعتمد على الاكلات الطبيعية العضوية تحديدا
يعني اللي ما استخدموا فيها هرمونات او مواد كيميائية وهذي طبعا غالية بس احسن شي العضوي
وتكثرين خضار وفواكه وتبتعدين عن اللحوم الحمراء بس تستبدلينهم بالبيض المسلوق ومنتجات الالبان والاجبان الطبيعية مثل الجبن الابيض والاصفر اللي تكون بالكيلو وبس
لازم تكثرين من السمج والماكولات البحرية .


لازم تشربين لترين ماي باليوم



الحين المسموحات في هذا النظام : ( يعني اللي مسموح لج تاكلينه ) :

1- منتجات الالبان والاجبان الطبيعية ( ممنوع الاجبان الكريمية المعلبة ) .
2- البيض .
3- السمك وجميع الماكولات البحرية ( مسلوقة او مشوية فقط )
4- الخضار العضوية الطبيعية ويمكن اكلها بطريقة سلطات واضافة زيت الزيتون او السمسم كصلصة .
5- الشاي الاخضر وشاي الاعشاب فقط .
6- الفواكه العضوية الطبيعية الطازجة .
7- العصائر الطاااااااااااااازجة وغير المعلبة او المحلاة صناعيا .
8- البقوليات ( فول حمص بزاليا باجلا يريش هريس باميا )
9- القهوة بدون اي اضافات .
10- العسل الطبيعي 100%

( يمنع اضافة اي نوع من الدهون مثل الزبد او السمنة وزيوت اخرى ماعدا زيت السمسم او زيت الزيتون )


********************


الممنوعات في هذا النظام : ( الممنوع عليج تقربين صوبه في هالنظام ) :

1- السكريات والمحليات الصناعية.
2- الكربوهيدرات ( المعجنات والخبز والعيش والمعكرونة وتوابعهم )
3- المشروبات الغازية بجميع انواعها حتى الدايت منها .
4- العصائر المعلبة والفوارة والفواكه المعلبة .
5- الحلويات وجميع انواع الكريمات والمربيات والزبدة .
6- الدهون والزيوت بجميع انواعها .
7- اللحوم الحمراء مثل الدجاج والغنم والبقر والبط والديك الرومي.
8- كريمة القهوة .
9- صلصات السلطة ماعدا ماعدا زيت الزيتون وزيت السمسم .




كلها 3 ايام

تحملوا بس بتشوفون العجب وتحسون ان بطنكم فعلا خف وجسمكم صار نقي


انا كملتها شهرين وانا قاطعة كل الممنوعات

كانت فعلا عندي ارادة

ونزلت 20 كيلو


بس بعدين يوم هديت الريجيم انا الصراحة ما حافظت

شفت ان لمدة 6 اشهر كلما اكل شي وزني ثابت مايزيد ولا كيلو

استانست وخربتها

قمت ازيد الجيلة بالصحن

ادوبل الشبس على بو ما يزيد وزني

فجاة من غير لا احس شفت اني شطحت شطحة مو طبيعية على الميزان

اكتئبت وخربته ام النظام

وزدت بالوزن


هالريجيم مو القصد منه انج تنزلين

لكن القصد منه انج ترجعين للطبيعة المفيدة وتبتعدين عن كل شي يطلع من المصانع اللي ماندري جم مرة مستخدمين زيتهم ولا شنو حاطين من مواد حافظة وسوالف مسرطنة واصباغ


جربوه وماراح تندمون



avatar
ام سلطان
عضوا

عدد المساهمات : 141
تاريخ التسجيل : 25/12/2010
الموقع : في دنيا النسيان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى